أسئلة وأجوبة
السؤال بصيغة عميلك، والجواب بالصيغة اللي تبي وكيلك يقولها بالحرف. أسرع طريقة تضبط فيها رداً حساساً زي سياسة الإلغاء.
حط ملفاتك… ووكيلك يجاوب منها
وكيل ما يعرف نشاطك يرد ردود عامة تضيّع وقت عميلك. قاعدة المعرفة هي المكان اللي تحط فيه اللي يعرفه موظفك الشاطر: الأسعار، والسياسات، والدوام، وأسئلة العملاء المتكررة — بملفاتك أنت.
كيف يجاوب الوكيل من ملفات نشاطي؟
ترفع ملفاتك — PDF أو Word، حتى لو صوراً ممسوحة — والمنصة تقرأها وتقسّمها وتفهرسها بحيث يصير البحث بالمعنى مو بالكلمة الحرفية. ووقت ما يسأل عميلك في قنوات المحادثة النصية، الوكيل يرد من المقطع اللي يجاوب سؤاله؛ وإذا ما لقى جواباً واضحاً يصعّد أو يسجل طلب اتصال. وقبل هذا كله تجرب أي سؤال بنفسك وتشوف من أي ملف جا الجواب.
وش تقدر تحط في قاعدة المعرفة؟
خمسة أنواع تخلطها زي ما تبي، وكل وكيل تحدد له وش يقرأ منها.
ملفات
PDF وWord (.docx) وملفات نصية (.txt / .md). قائمة الأسعار ودليل الخدمات — ارفعها زي ما هي بدون إعادة كتابة.
روابط
صفحة من موقعك تضيفها كمصدر بدل ما تنسخ محتواها، وتحدّثها بإعادة السحب.
مقتطفات
معلومة قصيرة ما تستاهل ملفاً: «الموقف مجاني للعملاء»، «الدفع كاش أو شبكة».
أوقات الدوام
أيامك وفتراتك وإجازاتك. الوكيل يبني عليها ردوده، ويسجل طلب اتصال بدل ما يوعد بموعد وأنتم مقفلين.
وملفاتي ممسوحة ضوئياً — يقرأها؟
يقرأها. أغلب أنظمة التعرّف الضوئي تطلع العربي حروفاً متقطعة أو مقلوبة الترتيب؛ محرّكنا يتعامل معه كنص متصل، فالحروف تطلع موصولة والجداول ما تنهرس. نتكلم عن قراءة الحروف مو عن التشكيل — ملفك ما يحتاج يكون مشكّلاً. والمعالجة تصير في الخلفية وتتابع حالة كل ملف في اللوحة.
كيف يلقى الوكيل الجواب الصحيح وسط كل هالمحتوى؟
الملف ينقسم إلى مقاطع بطريقة تراعي العربية، وكل مقطع ينفهرس بمعناه — فيصير البحث بالمعنى: عميلك يسأل «كم تاخذ جلسة التبييض؟» وملفك مكتوب فيه «مدة جلسة تبييض الأسنان: 45 دقيقة»، والنظام يعرف إنه نفس الموضوع. وكل جواب يرجع معه مصدره، فترجع للملف الأصلي وتصحح من هناك.
هل يجاوب من ملفاتي في محادثات عملائي؟
إي — على قنوات المحادثة النصية. الوكيل يدور في قاعدة معرفتك ويصيغ الرد من محتواك أنت، مو من معلومات عامة. وإذا كان السؤال ما له جواب واضح، ما يطلّع رقماً من راسه: يصعّد لموظفك أو يسجل طلب اتصال.
كيف أتأكد إن الجواب صح قبل ما أشغّله على عملائي؟
في اللوحة أداة اختبار للاسترجاع: تكتب السؤال زي ما بيقوله عميلك، وتشوف أي مقاطع رجعت ومن أي ملف. وفوقها المحادثة التجريبية: تتكلم مع الوكيل نفسه وتقرأ الرد كامل قبل ما تنشر. أي تعديل ترفعه وتعيد الاختبار في نفس الجلسة.
يعني تدرّبون الذكاء الاصطناعي على ملفاتي؟
لا. ملفاتك تتخزن لك أنت وتنفهرس عشان البحث، ووقت السؤال يُسحب منها المقطع المناسب ويُعطى للوكيل يصيغ منه رده — يعني الجواب مبني على نص تقدر ترجع له وتقرأه. ونتيجتها العملية: تعديل أو حذف يظهر أثره على طول بدون أي إعادة تدريب، وبيانات منشأتك معزولة على مستوى قاعدة البيانات.
كل كم أحدّثها؟ ومين يقدر يعدّل فيها؟
حدّثها كل ما تغيّر شي يقوله موظفك للعميل: سعر، أو دوام، أو خدمة جديدة. والصلاحيات تتضبط لكل موظف — واحد يعدّل الأسعار وواحد يشوف بس — والتعديلات الحساسة تمشي مع سجل تدقيق ما يتعدل. ونصيحة: خذ أكثر عشرة أسئلة تتكرر عليك في الهاتف وحطها أسئلة وأجوبة بصياغتك.
وين تُعالَج ملفاتي؟
التخزين الدائم لبياناتك في منطقة الخليج (الدوحة)، بينما تمر معالجة التعرّف الضوئي على مستندات قاعدة المعرفة عبر نقطة معالجة أوروبية. ما نقول لك إن كل شي داخل السعودية، لأن هذا غير دقيق اليوم — والإفصاح عن النقل عبر الحدود هو الموقف الصحيح أمام نظام حماية البيانات الشخصية.
التفاصيل الكاملة في صفحة الأمان والبيانات.
أسئلة عن قاعدة المعرفة
وش صيغ الملفات اللي تقبلونها؟
PDF وWord (.docx) وملفات نصية (.txt / .md)، مع أسئلة وأجوبة وروابط ومقتطفات وأوقات الدوام. والملفات الممسوحة ضوئياً تنقرأ بتعرّف ضوئي عربي يطلع الحروف موصولة صح.
هل الوكيل يجاوب من ملفاتي في الشات؟
إي، على قنوات المحادثة النصية: يرد من محتواك أنت، وإذا ما لقى جواباً واضحاً يصعّد أو يسجل طلب اتصال. وتقدر تجرب أي سؤال في المحادثة التجريبية قبل ما تنشر.
لازم أعيد كتابة ملفاتي بصيغة معينة؟
لا، ارفعها زي ما هي. اللي ينفع تكتبه يدوياً هو الردود الحساسة اللي تبي صياغتها بالحرف — وهذي تحطها كأسئلة وأجوبة.
أقدر أخلي كل فرع يقرأ من ملفاته فقط؟
تقدر. نطاق قاعدة المعرفة يتحدد لكل وكيل على حدة، فالوكلاء ما يتداخلون في ملفات بعض.
كل قنوات عملائك في منصة واحدة؟
إي — المكالمات وواتساب وتيليجرام والرسائل النصية والبريد ودردشة موقعك، كلها في صندوق وارد واحد. نفس الوكيل يرد عليها كلها من معلومات منشأتك، وموظفك يقدر يدخل على أي محادثة.
المكالمات
يرد بلهجة عميلك ويحجز داخل نفس المكالمة.
واتساب للأعمال
يجاوب ويتابع في نفس المحادثة اللي بدأها العميل.
تيليجرام
نفس الوكيل ونفس المعلومات، على تيليجرام.
الرسائل النصية
تذكير وتأكيد يوصل لكل جوال.
البريد الإلكتروني
استفسارات البريد تدخل نفس الصندوق.
دردشة الموقع
زائر موقعك يكلم نفس العقل — جرّبه هنا بالأسفل.
صندوق واحد، وكيل واحد، وسياق كامل عند التحويل للموظف.
جاهز تشوف كيف يرد على عملائك؟
عرض تعريفي مدته 30 دقيقة — نوريك المنصة حية ونجاوب على أسئلتك.